Kayat ni Senador Bong Go a tumulong ni Senador Imee Marcos a mangsimpa iti saan a pagkinaawatan ti pamilya Marcos ken Duterte.
Patien ni Go a mabalin a makatulong ni Imee gapu ta nalaing a mamagkaykaysa kadagiti tattao bayat ti 2022 elections.
Kimmaro ti saan a pagkinaawatan ti dua a pamilya kalpasan a pinaayaban ti House of Representatives ti chief of staff ti Bise Presidente a ni Zuleika Lopez gapu ta saanna sungbatan dagiti saludsod no kasano a nagastos ti Bise Presidente iti pondo.
Segun kenni Senador Go a saan a maikalintegan ti panangtrato ti Kamara kadagiti tattao ken rumbeng nga ipamaysana ti agaramid kadagiti linteg, saan a mangdusa kadagiti tattao.
Kabayatanna, kinuna met ti kamara a sursurotenda dagiti pagannurotan.
Madanagan met ti dadduma kadagiti nagbalin a pangta ti Bise Presidente, ken patien ti President party a saan a nasken a maikalintegan ti sinasao ti Bise Presidente ta awan iti maitedna a nasayaat iti pagilian.
Kayat pay ti dadduma a maikkat ti Bise Presidente iti puestona, ngem ipagarup met ti dadduma a nasakit laeng ti nakemna ken saanna nga inranta dagiti inbalbalikas na.
