Pinapigsa ti Philippine National Police ti seguridad idiay Tawi-Tawi kalpasan ti damag a sumagmamano a personalidad ket maipagarup nga agar-aramat ti ‘backdoor exits’ tapno makaruar ti pagilian a saan a matiliw.
Segun ken ni PNP Chief Gen. Jose Melencio Nartatez Jr., imbilinna ti provincial office a papigsaen ti presensya kadagiti lugar a maipagarup a ruta ti panaglibas.
Impakaammo ni Nartatez a naammuanen dagiti otoridad ti key locations iti pannakibinnulig iti sabali nga ahensia ken agi-deploy ti nayon a pulis ken resources.
Segun ti Bureau of Immigration, karit ita ti panangbantay ti Tawi-Tawi gapu ta southernmost province ken adda maritime border iti Malaysia.
Impasigurado pay ni Nartatez nga agtultuloy ti koordinasion ti PNP, BI ken Armed for of the Philippines tapno ingetan ti border ken lapdan ti panaglibas dagiti suspek.
