VIGAN CITY- Nakasaganan ti security plan ti Sta. Maria municipal police station nga idaulwan ni Police Senior Inspector Arcadio Viloria para ti maisayangkat a state colleges universities athletic association (SCUAA) meet 2019.
Segun ken ni Viloria, malaksid kadagiti kameng ti PNP ket katulungan danto pay dagiti barangay tanod a mangimando ti trapiko inton kaaldawan ti parada sakbay dagiti paay-ayam, kasta pay a katulungan da ida para iti panangpatalinaed iti linak ken talna kadagiti playing venues ken billeting areas a paggiyanan dagiti atleta manipud kadagiti naduma-duma a pagadalan.
Dagiti SUCs a makipagpaset iti SCUAA ket Ilocos Sur Polytechnic State College (ISPSC) Mariano Marcos Memorial State University (MMSU), Don Mariano Marcos State University (DMMSU), University Of Northern Philippines (UNP), North Luzon Philippine State College (NLPSC) ken Pangasinan State University (PSU)
