Naiwayat ti search warrant operation iti pagtaengan ti maysa a lalaki a naglabsing ti Republic Act 9165 idiay Tagudin.
Iti pannaki-uman ti Bombo Radyo Vigan ken ni PMaj. Kleyvan Paycao Dalang a Chief of Police iti Tagudin Municipal Police Station, nabayag a minonitorda ti suspek agingga naikkanda iti gundaway tapno ag-apply iti search warrant kontra kenkuana.
Segun ken ni Dalang, naala manipod iti suspek iti dua a gramo iti shabu nga aggatad iti P13,600 a naipan iti uppat a piraso iti transparent plastic.
Kasta pay a naala iti non-drug evidence a pakairamanan iti tallo a small transparent plastic sachet a naglaon iti residue; dua a glass tube toother; maysa a black pouch; 81 a piraso iti small plastic sachets; maysa nga improvised toother; maysa nga small spoon; 74 small transparent sachets; maysa a round plastic container a naglaon iti 90 a piraso iti small transparent plastic sachet; maysa a yellow lighter; maysa a black digital pocket scale; maysa a bassit nga stainless spoon; maysa a plastic sachet a naglaon iti 79 a piraso iti small transparent plastic sachet; maysa a digital weighing scale; red lighter; brown pouch a naglaon iti P2,705; maysa a paint container; skippy transparent plastic container; maysa a plastic container; maysa a glass rack; ken maysa a plastic drawer.
Patien ni Dalang a nangisayangkat ti suspek iti panaglakoan iti maiparit nga agas iti panagrambak iti Undas ta adu iti narekubre iti pagtaenganna a plastic sachet.
