VIGAN CITY – Balligi iti insayangkat a search warrant operation ti Santa Municipal Police station kontra ti dati nga ulitily iti munisipyo ti Santa.
Iti pannaki-uman ti Bombo Radyo Vigan kenni Police Captain Mark Bryan Corpuz, ti suspek ket dati a drug surrenderee idi tawen 2016.
Nabuy-bust idi 2015 iti ili ti Santa ngem na- acquit, ken nagsubli iti aramidna isu a nabuy-bust idiay Barangay. Poblacion, Narvacan ket nag-under probation, ngem saan latta a nagsardeng.
Nakumpiskar manipud iti suspek ti paltog, granada ken shabu nga agdagsen ti 15.48 grams a mapatta-patta nga aggatad ti Php105,264.00.
Sinublian ti suspek ti iligal nga aramidna gapu ta awan iti stable nga income na kalpasan a naikkat nga empleyado ti munisipyo, ken maibilang pay daytoy nga user, pusher ken runner.
Ti ina ti suspek ti nakitinnulong kadagiti pannakabagi iti linteg, ta nadlawna a sabali manen iti ububraen ti anakna gapu kadagiti sabasabali a tattao a sumsumrek iti pagtaenganda.
