Pinasingkedan ti Philippine Coast Guard a ti search and retrieval operation para kadagiti mapukpukaw a sabungero idiay Taal Lake ket marugian inton bigat no nasayaat ti paniempo.
Idaulwan ni Coast Guard Distruct Southern Tagalog commander Commodore Geronimo Tuvilla ti operation ken tactical control, agraman ti operational guidance iti kinatalged dagiti personnel ken ti kasasaad ti aglawlaw.
Imbilin ni PCG chief Admiral Ronnie Gil Gavan ti Coast Guard Fleet and Coast Guard Aviation Command ti panangaramat kadagiti remotely operated vehicles ken drones tapno suportaran ti search and retrieval operations para kadagiti mapukpukaw a sabungero idiay Taal Lake.
Ti madi a paniempo, napigsa a koriente ti danum ken ti low-level unrest ti bulkan dagiti karit a mabalin a sangwen dagiti mangsapul kadagiti sabungero.
