Sarita ti China a pinalubosanda iti Pilipinas a nangisayangkat ti emergency medical evacuation idiay Ayungin Shoal, nakakat-katawa – PCG

Nainget a kinondenar ti Philippine Coast Guard ti sarita iti China nga impalubosda ti medical evacuation para ti masakit a kameng ti Philippine Navy.

Segun ken ni PCG Spokesperson for the West Philippine Sea Commodore Jay Tarriela, nakakat-katawa ti sarita iti China ta parparuawenda nga isuda ti authority iti kabaybayan a paset iti Exclusive Economic Zone.

• Emergency medical evacuation para ti maysa a suldado a nakadeploy iti BRP Sierra Madre, linapdan dagiti barko iti China – Bombo Radyo Vigan

Binabalaw ni Tarriela ti China ta inggagarada nga insanud ken linapdan ti medical evacuation iti mano nga oras a mangpaneknek nga awan ti bibiangda ti humanitarian mission.

Hulyo 7 idi nangisayangkat ti Armed Forces of the Philippines ken PCG ti emergency medical evacuation para ti maysa a Philippine Navy personnel a nakadeploy iti BRP Sierra Madre idiay Ayungin Shoal.