Dismayado ti Malakanyang iti sarita ni dati nga Executive Secretary Salvador Medialdea a mapapati a mapukpukaw ni dati a Pres. Rodrigo Duterte bayat nga adda iti poder iti International Criminal Court (ICC).
Segun ken ni Palace Press Office Undersecretary Claire Castro, iresponsable iti sarita ni Medialdea ta mismo a ti ICC iti nagkuna a dimmalan laeng ti medical examination ti dati a presidente ken saan a napukaw.
Impaganetget ni Castro nga awan iti manamnama a napintas a komento iti kampo dagiti Duterte ngem impaganetget iti opisyal nga inaramat iti gobierno ti Republic Act 9851 wenno Philippine Act on Crimes Against International Humanitarian Law, Genocide, and Other Crimes Against Humanity iti panag-surrender ti dati a presidente.
Kinunana nga adun ti sarita ni Medialdea nga awan ti kinaagpaysuna kas iti mapapati a nakidnap ti dati a presidente ken ti panangala ti simpatiya iti publiko mainaig iti salun-atna.
