VIGAN CITY- Sangapulo ket dua a tattao a mapapati nga agsusugal iti kinemmeg dagiti pannakabagi ti linteg ti Sinait iti inwayat da nga anti-illegal gambling operation idiay Barangay Paratong, Sinait a nabigbig a da Mario Islao, Angelita Ilmeng ,George Impelido, Romeo Dayoan, Lodivico Tumbaga, Reynaldo Ventura, Lovelyn Manalang, Ela Yatar, Rogelio Impelido, William Itabac, Michelle Rafanan kenni Clayton Islao nga agpapada a residente iti nasao a lugar.
Naala kadakuada iti uppat a baraha ken pusta da a sangagasut uppat a pulo ket tallo a pisos.
Kabayatanna, innem a pulo ket tallo a pisos a pusta ken maysa a set ti baraha iti naala dagiti kameng ti Vigan City police station kadagiti 4 a tattao a mapapati nga agpupusoy dos idiay San Julian Norte, Vigan City.
Dagiti nakemmeg a da Federico Arconado Adame, Crisanto Recto Fontejon, Orlando Adame Agtangan kenni Junjun David Flores nga agpapada a residente ti nasao a lugar ket naipan idiay istasyon ti pulisya para iti proper disposition da, pakairamanan dagiti ebidensiya a naala.
