Saan laeng iti deliberasyon ti House Committee on Rules a nag-inhibit ni House Majority Leader ken Ilocos Norte Rep. Sandro Marcos no diketdi iti intero a proseso ti impeachment complaint a naipila kontra iti amana a ni Pres. Ferdinand Marcos Jr.
Inton Lunes a mangrugi iti panagtratar ti Justice committee iti naipila nga impeachment complaint kontra iti presidente.
Natalek ni Marcos iti kabaelan ti Justice panel nga akeman ti mandatoda kasaruno ti konstitusyon ken iti rules iti Kamara de Representantes.
Dua nga impeachment complaint ti naipila kontra ti presidente a ti immuna ket impila ni Atty. Andre De Jesus ken inendorso ni Pusong Pinoy Party-list Rep. Jernie Jett Nisay idi January 19 idinto a ti maikadua ket impila dagiti pribado nga indibidual ken inendorso iti Makabayan bloc idi January 26.
