--Ads--
Saan a pinatgan ti Sandiganbayan ti kiddaw ni dati a Senador Ramon ‘Bong’ Revilla Jr. a maiyakar manipud iti ti Quezon City Jail a mapan iti Philippine National Police (PNP) Custodial Center idiay Camp Crame.
Iti nagbalin a decision ti Third Division ti anti-graft court, naibasura pay ti mosion ni Revilla nga i-quash ti impormasion ken isubli ti kaso iti Office of the Ombudsman para iti imbestigasion.
Gapu ti pannaka-basura ti petision, agtalinaed a maibalud ni Revilla iti New Quezon City Jail Male Dormitory, a nakaibaludan met dagiti co-accused na.
Innayon pay ti korte a napaay ti dati a senador a mangipakita ti naan-anay a rason tapno mapatgan ti kiddaw a maiyakar ti kustodiya-na.
-- ADVERTISEMENT --
