--Ads--
Saan a nagbaliw ti listaan dagiti kangrunaan a rason ti pannakatay iti Pilipinas idi napan a tawen.
Maibasar iti listaan ti Philippine Statistics Authority (PSA) a nairuar idi March 27, agtaltalinaed a kaaddoan dagiti chronic ken non-communicable diseases iti pagilian.
Manipod Enero agingga Setyembre 2025, nairekord ti tallo a kangrunaan a rason a pakatkatayan dagiti Pilipino pakairamanan ti Ischemic heart disease wenno sakit iti puso nga 89,068 a kaso wenno 19.8%; neoplasms wenno cancer a 51,904 a kaso wenno 11.6%; ken cerebrovascular diseases wenno stroke a 44,593 a kaso wenno 9.9%.
Impaganetget ti PSA a ti Top 3 ket saan a nagbaliw manipod iti isu met la a panawen idi 2024.
-- ADVERTISEMENT --
