--Ads--
Pinaglibakan ni Sachzna Laparan a ginatangna ti diplomana isu a nakaturpos iti kolehio.
Kalpasan ngamin iti panag-post na iti Philippine Christian University iti kurso a Bachelor of Science in Office Administration ket saan a maliklikan nga adda sumagmamano a mangkukwestyon.
Ngem naalumanay a sinungbatanna dagiti pammabalaw ket kinunana a saan nga asi-asi iti napasaranna ta naggiddan ti trabaho ken panagbasana tapno magun-od iti arapaapna a makaturpos iti kolehio.
Innayonna a napilitan idi a nagsardeng iti panagadal gapu iti rigat iti panagbiag ta isuna ti breadwinner iti pamilia.
-- ADVERTISEMENT --
Planona nga agala ti master’s degree ta ipannakkelna nga isuna iti kaunaan a miembro ti pamilia a nakaturpos iti kolehio.
