--Ads--
Sinungbatan ti Malakanyang ti statement ni Bise Presidente Sara Duterte a maipagarup a marurod dagiti Pilipino iti pannaka-aresto ken panangipan ken ni dati a Presidente Rodrigo Duterte idiay The Hague.
Pinasingkedan ni VP Sara nga agtaltalinaed a marurod dagiti adu a Pilipino iti napasamak ken maipagarup a saan a maikkat ti rurod dagiti Pilipino aging saan maisubli ti Pilipinas ti dati a presidente.
Segun ken ni Palace Press Officer Atty. Claire Castro, mabalin a kastuy ti ibagbaga ti bise presidente gapu ta sumangsango ti ama na ti kaso a crimes against humanity iti International Criminal Court.
Impaganetget pay ni Castro a saan a mabalin nga ibaga nga amin a Pilipino ket agpapada ti marikrikna mainaig iti isyu.
-- ADVERTISEMENT --
