Awan ti plano ni Russian President Vladimir Putin nga agbiahe idiay Istanbul para iti patangan pangkappia kadua iti Ukraine kas pinasingkedan ti Kremlin ngem nakadanonen ti Russian delegation tapno kataripnong ti Ukrainian team.
Ni Putin iti nakapanunot a mangisayangkat iti kaunaan a direct peace talks iti uneg ti nasurok tallo a tawen idiay Istanbul ngem saanna nga imbaga a mapan mismo isuna ta nagipatuloden ti delegasyonna babaen ti panangidaulo ni Vladimir Medinsky a maysa kadagiti presidential adviser-na.
Saan pay met nga ammo ni Kremlin spokesman Dmitry Peskov nu mapan ni Putin idiay Istanbul nu kas bilang mapan met ni US President Donald Trump ta saan nga ammo ti Russia nu kasano ti mapasamak a negosasyon.
Immunan a kinuna ni Trump a mapan idiay Turkey nu laketdi mayannatup iti mapagpapatangan.
