Masapul nga ipalawag ni Vice President Sara Duterte iti publiko no kasano na a ginastwan ti kabuklan a 91 nga aldaw a panagbiahe na iti agduduma a pagilian iti napalabas a tawen, segun ken ni House prosecutor ken Bicol Saro party-list Rep. Terry Ridon.
Segun ti kongresista, adda iti irruar ti pagilian ni VP Sara iti kabuklan a 91 nga aldaw manipud 2025 agingga 2026.
Patta-patta ni Ridon nga umabot iti P5 milyon agingga P8 milyon ti ginastos ti bise presidente kadagiti biahe na, basar iti gatad ti airfare ken iti United Nations Daily Subsistence Allowance rates a sakop iti hotel, taraon ken dadduma pay nga incidental expenses.
Innayon ti agpampanday linteg a basar iti Statement of Assets, Liabilities and Net Worth (SALN) idi 2024 ket awan pay ti cash on hand wenno cash in bank ti bise presidente.
