--Ads--
Temporario nga impaserra ti lokal a gobierno ti Dipaculao, Aurora ti maysa a resort a nakalmesan dagiti dua a miembro ti Ateneo Blue Eagles Men’s Basketball Team a da Rene Clert Baterbonia ken Divine Adili.
Maipalagip nga impakaammo ti Ateneo de Manila University ti pannakatay dagiti dua nga atleta kalpasan ti pannakalmes-da.
Naammuan a nagiruar ti Temporary Closure Order ti lokal a gobierno kontra iti Hermanos Leisure and Farm Resort kasaruno ti direktiba ni Dipaculao Mayor Danilo A. Tolentino.
Gagem ti bilin nga agisayangkat ti comprehensive investigation iti insidente ken masigurado ti kinatalged dagiti residente ken bumisita a turista.
-- ADVERTISEMENT --
