Inallukoy ti Philippine National Police (PNP) dagiti pagadalan a makikammayet kadagiti law enforcement para iti major off-campus events.
Ti addang ket kalpasan iti pannakalmes da Rene Baterbonia ken Divine Adili nga Ateneo Blue Eagles athletes bayat ti team-building ken training activity iti maysa a resort idiay Dipaculao, Aurora.
Segun ken ni PNP Chief Gen. Jose Melencio Nartatez Jr., allukoyenda dagiti pagadalan a makikammayet iti local police station sakbay a mangisayangkat ti major off-campus activities tapno maisayangkat ti proper security assessments, emergency response planning, traffic management, ken coordination babaen ti rescue ken medical services.
Amin a local ken regional police offices ket nabilin a mangisayangkat ti regular coordination iti Department of Education (DepEd) ken ti Commission on Higher Education (Ched).
