Idurduron ni Parañaque 2nd District Rep. Brian Yamsuan ti gakat a pagbalinen a linteg ti Pondo Para sa Pagbabago at Pag-Asenso (P3) Program tapno maikkan ti kabaelan a pautang dagiti micro and small enterpreneurs.
Segun ken ni Yamsuan, makatulong ti P3 ti panangsalaknib iti babassit a negosyo kontra iti managgundaway a five-six lenders nga agsingsingir iti nangato nga interes ken gappuanan ti utang a mamin-ano a daras a baybayadan.
Iti salinong ti House Bill 9472 wenno Pondo sa Pagbabago at Pag-asenso Act, maiyetnag ti P3 Fund a mangted ti collateral-free loans kadagiti kualipikado a micro and small enterprises nga adda interest-na a saan a nalablabes iti 1% kada bulan para ti direct lending.
Target ti programa dagiti sari-sari store owner, aglaklako iti tiendaan, carinderia operator ken dadduma pay a babassit a negosyante.
Gagemda a palawaen ti access ti panagpuonan babaen ti panagaramaty ti financial technology.
Kinuna ni Yamsuan a napateg a maaddaan ti agtultuloy a pondo ti P3 tapno matulongan ti nasurok 90% a negosyo iti baet ti micro enterprises ken dadduma pay a babassit a negosyo iti pagilian.
