Patien ni House Deputy Minority Leader ken ACT Teachers Partylist Rep. Antonio Tinio a saan met laeng a consumer iti mairanud iti temporaryo a pannaka-ikkat wenno pannakasuspenso iti excise tax kadagiti produkto petrolyo.
Dayta ket kalpasan ng inaprubaranen ti House of Representatives iti 3rd ken final reading ti House Bill No. 8418 a mangted bileg ken ni Presidente Ferdinand “Bongbong” Marcos Jr. a temporario nga ikkatan wenno suspensoen ti excise tax kadagiti produkto petrolyo.
Iti pannaki-uman ti Bombo Radyo Vigan ken ni Tinio, nasayaat koma no permanente a maikkat ti excise tax ken VAT iti produkto petrolyo saan laeng a temporaryo tapno saan a marigatan dagiti umili.
Inlawlawagna a posible pay a mangitunda iti “double whammy” ti nasao nga addang a mangbiktima laeng ti gobierno ken dagiti consumer ta ti pannakasuspenso iti excise tax ket saan nga agbayad iti buwis dagiti oil companies ket makissayan pay ti revenue iti gobierno, ken posible a saanda nga ipasa kadagiti consumer iti panaglaka ti presyo ta awan ti kontrol ti gobierno iti panangituding ti presyo dagiti oil company ta deregulated iti pagilian.
