Inaprubaran ti House of Representatives iti maikatlo ken maudi a pannakaibasa ti House Bill No. 4706 a mangideklarar iti Disiembre kas National National Volunteer Month ken Disyembre 5 kas National Volunteer Day.
Gagem ti gakat nga itandudo ken papigsaen ti kultura ti volunteerism iti pagilian.
Iti botos a 263 a pabor ken maysa nga abstention, nakapasa ti gakat iti panangidaulo da House Speaker Faustino “Bojie” Dy III ken House Majority Leader Ferdinand Alexander “Sandro” Marcos.
Amyendaran na daytoy ti Republic Act No. 9418 wenno Volunteer Act of 2007, ken nabilin ti Philippine National Volunteer Service Coordinating Agency nga idauloan ti aktibidad iti selebrasion.
Naallukoy pay dagiti amin nga ahensia ti gobierno, LGUs ken pribado a sektor a makipaset iti selebrasion.
