Impakaammo ni Presidente Ferdinand Marcos Jr. a nai-ngaton iti Strategic Partnership ti relasion ti Pilipinas ken Canada kasaruno ti pannaki-taripnong na ken ni Canadian Prime Minister Mark Carney iti British Columbia.
Segun ken ni presidente Marcos, trinatar da ken ni Carney ti agtultuloy a panagdur-as ti bilateral relations ken dagiti addang tapno mapagtalinaed ti natibker a kooperasion ti dua a pagilian.
Imbilin dagiti dua a lider dagiti foreign minister a mangbukel iti plan of action tapno iduron dagiti napagtulagan nga addang.
Innayon pay ni Marcos a napateg a pundasion ti napigsa a relasion ti Pilipinas ken Canada ti natibker a kooperasion iti benneg ti depensa ken seguridad.
Napagtulagan ni Presidente Marcos ken Canadian Prime Minister Carney ti negosasion para iti Canada–Philippines Free Trade Agreement ken papigsaen ti relasion iti clean energy, disaster resilience, ken food security.
