VIGAN CITY – Umaboten ti 3.2 a bilyon a pisos ti gatad dagiti nadadael iti sektor ti agrikultura gapu iti phreatic eruption iti Taal volcano kas pinasingkedan ni Agriculture Sec. William Dar iti pannaki-uman kenkuana ti Bombo Radyo Vigan.
Agsipud iti dayta, inkari ni Dar nga agtultuloy iti panangipaay da iti tulong kadagiti mannalon ken mangngalap a naapektaran tapnu makabangon da manipud iti pannakadidigra da.
Kabayatanna, inlawlawag na nga adu ti maitulong ti dapo a naggapu ti bulkan ta mabalin a pagabuno kadagiti mula.
Itatta nga aldaw, makikinnammayet ti DA kadagiti maseknan nga ahensya tapnu planwenda ti recovery ken rehabilitation program para kadagiti lugar a naapektaran iti panagbettak ti bulkang Taal idiay Batangas, Cavite ken Laguna.
