Master of multi-tasking ken saan a lowbat a lider ni Presidente Ferdinand Marcos Jr., kas panangiladawan ni Executive Secretary Ralph Recto iti baet ti agtultuloy a panangkwestion iti salun-at ken ti kabaelanna a mangimaton iti gobierno.
Segun ken ni Recto, sipud bigat agingga rabii ket trabaho latta ti as-asikaswen ti Presidente malaksid pay kadagiti presidential activities-na iti ruar ti Metro Manila.
Innayon ni Recto a ni Presidente Marcos Jr. ti natural alarm clock-na ta sakbay pay nga agtaraok ti manok ket adda mensahenan kenkuana.
Iti met rabii, uray nakaturogen dagiti anghel ket adda latta mensahe ti presidente kenkuana.
Idi napalpalabas nga aldaw ket pinaneknekan ti Presidente nga awan ti nakaro a sakitna ta pinagbalinna pay a barbell ti mano a kilo ti bagas ken nag-jogging manipud New Executive Building agingga iti uneg ti Malakanyang.
