--Ads--
Impaganetget ni Department of Agriculture Secretary Francisco Tiu Laurel Jr nga inrusatda ti online registration kadagiti Kadiwa Center tapno masigurado a maganar dagiti vulnerable sector ti P20 Bigas Meron Na! Program ti gobierno.
Babaen iti online registration, maliklikan ti overcrowding wenno panagsisinneksek kadagiti Kadiwa Center.
Segun ken ni Assistant Secretary Genevieve Velicaria-Guevarra, maysa pay daytoy kadagiti wagas tapno maliklikan ti panagilako iti P20 a bagas kadagiti buyer nga agar-aramat iti peke nga ID wenno agpampammarang a mangibagi ti benepisyaryo uray no saan met a pudno.
Impasigurado met ti DA a makanay ti suplay ti bagas kadagiti bodega ti National Food Authority uray pimmigsa ti demand ti nasao a programa.
-- ADVERTISEMENT --
