Pinatibker ti Commission on Elections ti desisyon a mangibasbasura iti disqualification case a naipila kontra ken ni Kingdom of Jesus Christ founder ken leader Pastor Apollo Quiboloy.
Iti inruar a resolusyon ti poll body, naibasura ti motion for reconsideration nga impila ti petitioner a ni Atty. Sonny Matula ken Workers and Peasant’s Party gapu iti kinakurang ti merito.
Maibasar iti impila a mosyon da Matula, maipad-padisqualify ni Quiboloy gapu iti panangipilana iti certificate of candidacy iti salinong ti WPP uray saan nga otorisado ti naikabil iti certificate of nomination and acceptance a maibilbilang a material misrepresentation.
Sungbat met ti kampo ni Quiboloy, uray awan turay ni Atty. Mark Tolentino a mangibagi para iti WPP ket saan nga isu ti grounds tapno madiskwalipika ti maysa a kandidato iti salinong ti linteg.
Malaksid dayta, kunada a saan a nasken nga ideklarar a nuisance candidate ni Quiboloy gapu laeng ta adda sangsangwenna a kaso.
