Impasigurado ti Quiapo Church a nakasaganadan iti maisayangkat a panagpiesta ti Poong Hesus Nazareno ita a tawen.
Iti pannaki-uman ti Bombo Radyo Vigan ken ni Fr. Robert Arellano a pannakangiwat iti Quiapo Church, manipod pay laeng idi bulan ti Agosto ket nagsaganan ti simbaan kaduada dagiti partner agencies-da a pakairamanan dagiti private sector ken nadumaduma nga ahensya iti gobierno.
Segun ken ni Fr. Arellano, nakasagana pay ti emergency response team babaen ti Department of Health ken dadduma pay a grupo iti panangipaay ti serbisyo medical kadagiti makipaset ti traslacion.
Namnamaen ni Fr. Arellano iti ad-adu a dumar-ay a deboto ita a tawen ngem aminado a kangatoanen idi 2024 iti bilang ti nakipaset ta nasurok-kumurang 6 million a deboto iti napan iti kaisuan nga aldaw ti piesta.
Idi napan a tawen pay iti kadarasanen a panaglibot ta nagpaut iti 14 hours 59 minutes and 10 seconds nu kumparar kadagiti naglabas a tawen nga immabot iti duapulo nga oras.
VIDEO – FR. ROBERT ARELLANO
Kabayatanna, pinalagipanna dagiti deboto nga aniaman nga aggapu a gamit a nabendisyonan apaman a malpas iti traslacion ket saan nga ibilang a lucky charm nu diketdi ipateg tapno agbalin a paset iti pakasaritaan, ket isentro ti pammati iti Namarsua.
VIDEO – FR. ROBERT ARELLANO
