Ti pulmonary hemorrhage wenno panagpadara iti bara ti maysa kadagiti kangrunaan a pakatayan dagiti pasiente nga addaan iti leptospirosis.
Dayta iti pinasingkedan ni infectious disease expert Dr. Rontgene Solante, a mangpataud daytoy iti nakaro a rigat iti panaganges.
Dakdakkel ti peggad a maakaran iti leptospirosis dagiti tattao a masansan a lumasat kadagiti layus gapu iti bakteria a mabalin a sumrek iti bagi.
Segun keni Health Secretary Edwin Mercado, rumbeng a dagus a maipan iti ospital dagiti addaan sintomas.
Kinunana pay nga adda ti PhilHealth coverage nga umabot iti P60,000 para iti moderate cases ken P400,000 para iti severe leptospirosis isu a saan koma nga agbalin a lapped ti gastos iti panagagas.
Iti San Lazaro Hospital, 155 a pasiente ti agdama a maag-agasan iti leptospirosis kalpasan iti kaudian a 40 a kaso. Kloefe Jyna Dayag
