Umaboten iti 5,486 ti bilang dagiti kaso ti leptospirosis iti Pilipinas manipud Enero agingga iti Agosto 27, segun iti Department of Health (DOH).
Nupay basbassit daytoy iti 23% no ikumpara iti 7,163 a kaso iti isu met laeng a panawen idi 2025, manamnama nga umadu ti bilang gapu ta ti incubation period ti sakit ket mabalin nga agpaut agingga iti dua a lawas.
Kaaduan a kaso ti nairekord iti Cordillera Administrative Region (542), sinaruno ti Metro Manila (521) ken Central Luzon (391).
Nainget ti panangmonitor ti DOH kadagiti ospital iti Ilocos Region, Cordillera, Cagayan Valley, Central Luzon ken National Capital Region. Paaduen ti DOH ti manpower ken paregtaenna dagiti dadduma nga ospital nga umawat kadagiti mild cases tapno maksayan ti overcrowding kadagiti kangrunaan nga ospital.
