Umaboten iti nasurok 450 a pasiente ti leptospirosis ti agdama a nakaawat ti agas ken medical attention iti agduduma nga ospital ti Department of Health (DOH) iti National Capital Region (NCR).
Ti panagadu dagiti nai-ospital ket kasaruno dagiti serye ti nalawa a panaglayus a mapadpadasan ti Metro Manila.
Basar iti kabaroan a quick count ti Health Emergency Management Bureau ti DOH, umaboten iti kabuklan nga 856 ti kaso ti leptospirosis iti intero a pagilian.
Impasigurado ti ahensia a nakasagana dagiti pampubliko a pasilidad ken adda nainget a monitoring tapno napaspas a maiyakar dagiti pasiente no kasapulan.
Babaen kadagituy nga addang, malilikan ti overcrowding dagiti pasiente iti maymaysa nga ospital bayat a mapagtaltalinaed ti suplay dagiti kasapulan nga agas para iti amin nga apektado.
