--Ads--
Manipud iti 54, umaboten iti 57 a pulis ti karaman iti hazing iti welcome rites kadagiti kaidesdestino a pulis idiay Lamitan City, Basilan ti napilaanen iti kaso.
Segun ken ni PNP Spokesperson PBrig. Gen. Randulf Tuaño, 3 a patrolman ti nainayon a napilaan iti kaso a panaglabsing iti RA 11053 wenno Anti Hazing Act of 2018 gapu iti panangplano, pannakipaset ken kaadda ti presensya iti napasamak a hazing.
Kadagiti 57 a napilaan iti kaso, 24 ti unaccounted pay laeng.
Gapu dayta, ikkan ida ti PNP ti gundaway nga agreport sakbay a maibilang nga AWOL wenno Absent Without Official Leave.
-- ADVERTISEMENT --
Maipalagip a 77 a PNP personnel ti naikkat iti puesto manipud iti Regional Mobile Force Battalion 14B gapu iti hazing a napasamak kadagiti kaidesdestino a pulis.
