Mabalin a permanente a saan a makapagtakem iti public office ti maysa nga opisial ti gobierno a napaneknekan a nangsulisog iti sabali a tao nga agaramid iti perjury.
Segun ken ni Senador Panfilo Lacson, asino man a mangsulisog iti sabali nga agaramid iti perjury ket mabalin a maibilang nga utek ti krimen, maibasar kadagiti probision ti Revised Penal Code (RPC) mainaig iti conspiracy ken principal iti krimen.
Kabayatanna, iti Artikulo 17, karaman kadagiti maibilang a prinsipal ket dagiti “direkta a mangpilit wenno mangguyugoy ti sabali a mangaramid” iti krimen.
Malaksid iti posibilidad ti kaso a kriminal, kinuna pay ni Lacson a panggepna ti mangipila iti gakat a mangpaadu iti dusa ken multa iti subornation of perjury.
Kabayatanna, agpannuray latta iti imbestigasion ken ti usto a proseso no adda umdas a pangibasaran a mangidarum iti asinoman a nainaig iti alegasion a subornation of perjury.
