VIGAN CITY – Pinasingkedan ni Provincial Quarantine Officer Martel Quitoriano a no man pay saanda amin a masalamaan dagiti agiserserrek iti baboy ken dagiti frozen products ditoy probinsia ket adda met dagiti makitintinnulong kadakuada.
Dayta ket kalpasan iti naballigi a pannakaduktal da unicipal Agriculturist Officer Randy Reburon kadua na da Licensing Officer 1 Ela Rocero, kenni Meat Inspector 1 Jovito Lubera kadagiti aglaklako ti frozen bagnet idiay Sto. Domingo.
Inallukoy ni Quitoriano amin a Municipal Agriculture officer iti probinsia a tuladenda ni Reburon tapno mapasayaat ken masigurado a natalged dagiti taraken a baboy tapno maiklikan iti pannakaiserrek ti African Swine Fever virus.
Inballaag ni Quitoriano a no uliten pay dagiti natiliw nga aglaklako ti frozen bagnet iti panagilako da kadagiti nasao a produkto ket maikkat iti lisensya da nga agilako ket saandanton pulos a makailako iti bagnet idiay ili ti Sto. Domingo.
