Impasigurado ni Presidente Ferdinand Marcos Jr. ti agtultuloy a proteksion ken kinatalged dagiti Pilipino a seafarer nga agtar-tarabaho iti intero a lubong.
Daytoy ti pinasingkedan ni presidente Marcos iti mensahe na iti panagturpos ti Philippine Merchant Marine Academy (PMMA) Salighirang Class of 2026 idiay San Narciso, Zambales.
Pinasingkedan ti presidente nga adu dagiti Pilipino a seaman iti adda kadagiti kabaybayan nga awan ti kina-sigurado da kangrunaan kadagiti lugar nga apektado ti tension idiay Middle East.
Karaman kadagiti ar-aramiden ti gobierno ti panag-upgrade dagiti pasilidad ken alikamen tapno masigurado a makasungbat ti Pilipinas iti internasional a pagannurotan.
Innayon ni presidente Marcos a nakasagana nga agtignay ti gobierno ken saan a mabaybay-an dagiti Pinoy seafarers.
