Naglabesen ti presyo ti krudo iti $100 kada bariles iti umuna a gundaway iti napalabas a nasurok tallo ket kagudua a tawen.
Dayta ket kagiddan ti epekto iti agtultuloy a rinnupak idiay Iran a makaapaektar iti produksyon ken panangpatulod iti langis idiay Middle East.
Ti presyo ita iti maysa a bariles iti Brent crude, a maar-aramat nga international standard ket addan iti $107.97 kalpasan a nag-resume ti market trading iti Chicago Mercantile Exchange.
Ngimmato dayta iti 16.5% manipod idi Biernes a nagsarra iti presyo a $92.69.
Manamnama a ngumato wenno bumaba iti nasao a presyo bayat nga agtultuloy iti market trading.
Maipalagip a naudin a nairekord iti nasurok $100 kada bariles a presyo iti krudo iti US idi pay laeng June 30, 2022 idi immabot iti $105.76 idinto a ti Brent crude ket idi July 29, 2022 idi immabot $104 per barrel ti presyona.
