Nagpakada ni Presidente Ferdinand Marcos Jr. ti Sri Lanka Ambassador iti Pilipinas a ni Chanaka Harsha Talpahewa iti Malacañang Palace sakbay nga agpatingga ti terminona inton Oktubre 31, 2026.
Nakatulong ni Talpahewa iti pannakapauneg ti relasion ti Pilipinas ken Sri Lanka, pakairamanan ti iseserrek dagiti immuna a panagpuonan ti Sri Lanka iti pagilian babaen ti Haycarb PLC ken Jaindi Exports.
Naipasdek dagiti dua a kompania ti investments iti Visayas ken Mindanao, a naipamaysa iti produksion ti activated carbon ken coconut processing.
Kas panangbigbig kadagiti kontribusionna iti diplomatiko, ekonomiko ken kultural a relasion iti nagbaetan dagiti dua a pagilian, ni Talpahewa ket napadayawan iti Order of Sikatuna nga addaan iti ranggo ti Grand Cross (Datu), Silver Distinction.
