Nagbiahe ni President Ferdinand Marcos Jr. nga agturong idiay United Arab Emirates (UAE) para ti working visit-na.
Segun ken ni Palace Press Officer ken PCO Undersecretary Atty. Claire Castro, dinutokan ni Pres. Marcos a caretaker committee da Executive Secretary Ralph Recto, Department of Agrarian Reform Secretary Conrado Estrella III, ken Department of Social Welfare and Development Sec. Rex Gatchalian.
Dumar-ay ti presidente idiay Abu Dhabi Sustainability Week ken agtalinaed idiay UAE agingga January 14.
Manamnama nga imatangan ti presidente iti panagpirma iti dua a tulagan iti nagbaetan iti Pilipinas ken UAE pakairamanan ti Comprehensive Economic Partnership Agreement (CEPA) ken Memorandum of Understanding on Defense Cooperation.
Ti working visit ket gapu iti imbitasyon ni UAE President Sheikh Mohamed bin Zayed Al Nahyan ket mapagpapatangan kaduada iti agduduma a mangidaulo iti estado iti agduduma nga isyu iti enerhiya, danum, finance, taraon ken aglawlaw.
