Nangiyawid ni Presidente Ferdinand Marcos Jr. ti lima a business agreements ken tallo a government-to-government deal iti Pilipinas manipud iti tallo nga aldaw a state-visit-na idiay Cambodia.
Imbingay ti Presidente ti productive engagement-na iti Cambodia leaders ken top businesses a nagsentro ti patangan iti panagtitinnulong ti masangoanan.
Nagbalin a naannayas ti taripnong ni Presidente Marcos kadagiti business community ket nagpatingga ti patangan iti strategic partnership ken napirmaan ti lima nga business agreements a nakapokus iti sektor ti aviation, logistics, ken women-led in micro, small and medium enterprises.
Ti tallo a napateg a katulagan ti nagbaetan ti gobierno ti Pilipinas ken Cambodia ket pakairamanan ti covering police cooperation, higher education, ken air connectivity.
Pinasingkedan ti Presidente a tarigagay dagiti dua a pagilian ti “more responsive” a kolaborasion tapno masolbar iti agbaliw-baliw a security challenges a mapaspasaran ti rehiyon. – Reynand Fontejon
