--Ads--
Ininspeksyon ni Pres. Ferdinand Marcos Jr. ti Navotas Fish Port Complex (NFPC) idiay Navotas City.
Dayta ket tapno personal nga adalen ti operasyon ti fish port ken ti agtultuloy a rehabilitasyon dagiti pasilidadda.
Segun ken ni Pres. Marcos, gagem ti inspeksyon a masigurado a makasabay ti imprastruktura iti NFPC iti dumakdakkel a kasapulan ti sektor iti panagkalap.
Paset pay dayta iti agtultuloy a panagtignay ti administrasyon a padur-asen dagiti pampubliko a pasilidad a mangsupsuportar iti industria iti panagkalap ken masigurado nga umdas ken agtultuloy ti suplay dagiti produkto iti kabaybayan para kadagiti Pilipino.
-- ADVERTISEMENT --
