Binaliwan ni Pres. Ferdinand Marcos Jr. ti pagannurotan iti panagaprubar ti foreign travel dagiti opisyal iti lokal a gobierno tapno mapadaras ti proseso dagiti aplikasyonda.
Iti salinong ti Administrative Order No. 47, mabalin a mangdutok ti secretary ti Department of the Interior and Local Government (DILG) iti mangibagi a mangaprubar iti travel request dagiti opisyal iti local government unit (LGU).
Segun ken ni Executive Secretary Ralph Recto, gagemda a mapadaras ti proseso dagiti aplikasyon kagiddan ti panagado ti travel request bayat nga agtaltalinaed ti husto nga oversight dagiti lokal a gobierno.
Iti salinong ti Local Government Code, kasapulan latta ti pammalubos ti Office of the President ti foreign travel dagiti opisyal ti LGU no ti biahe ket aglabes iti tallo a bulan, isayangkat bayat nga adda state of emergency wenno krisis wenno maaramatan iti national budget.
Sukatan ti Administrative Order No. 47 ti sumagmamano a probisyon ti Administrative Order 267 a nairuar idi administrasyon ni dati a Pres. Corazon Aquino.
