Agbiahe ita nga aldaw, August 4, 2025 ni Pres. Ferdinand Marcos Jr. idiay India para ti state visit-na.
Maisayangkat ti departure ceremony ni Pres. Marcos iti Villamor Airbase Pasay City iti oras ti alas dies iti bigat.
Segun ti Department of Foreign Affairs, innem a tulagan ti manamnama a pirmaan ti presidente iti state visit-na nga adda pakainaigan ti linteg, kultura, science and technology ken dadduma pay a key areas.
Makataripnong ni Marcos ni Indian President Droupadi Murmu ken ni Prime Minister Narendra Modi tapno pagpapatangan ti pannakikammayet iti Pilipinas ken India iti biang ti ekonomia, defense and security, trade and investment, people to people exchanges ken sumagmamano nga isyu iti rehiyon.
Manamnama pay iti pannakisinnarak ni Marcos iti Filipino Community idiay New Delhi.
Agpaut ti presidente idiay India agingga inton August 8, 2025.
