Manarimaan iti panangadal ni President Ferdinand Marcos Jr. ti total ban iti online gambling iti Pilipinas.
Segun ken ni Palace Press Officer Claire Castro, manarimaanen ti panangkita ti posible nga economic ken social impact ti nasao nga addang.
Kinunana a saan a mabalin nga agdardaras iti panagdesisyon ta masapul a kitaen a nalaing iti maaramid ta nu mismo a legal ken license dagiti online gaming sites iti mai-ban ket nakarkaru nga umado iti illegal nga online gaming sites nga isu iti mangapektar iti ekonomia.
Immunan a kinuna ti Malakanyang a silulukat ni Marcos iti singasing ti Department of Finance (DOF) nga iyetnag ti buwis iti online gaming industry.
Nakipaset ni Sen. Raffy Tulfo kadagiti agpampanday linteg iti panawagan a total ban iti online gambling ket namnamaenda a makaikeddengen ti presidente iti nasao a banag inton State of the Nation Address-na inton July 28.
