VIGAN CITY – Bigbigen ni Engr. John Foz ti Department of Health- Ilocos Sur iti kina-aktibo iti probinsia iti information dissemination no maipapan ti coronavirus disease 2019.
Segun kenni Foz, suportaranda ti Executive Order nga inyulog ni Gov. Ryan Singson a mandatory a panag-self quarantine dagiti agnaed ditoy probinsia a naggapo iti sabali a pagilian nga apektado ti coronavirus disease 2019 uray awan iti sintomas ti sakit kadakuada tapno saan a makaiyakar iti virus ken tapno ma-contain iti virus.
Innayon na a masapul a mailawlawag iti nasao nga EO tapnu saan nga agtinnag iti pannakai-lockdown iti probinsiya wennu ti pagilian nu bilang saan a maliklikan iti panagwaras ti virus.
Ti agdama, agtaltalinaed a COVID- 19 FREE ti probinsiya ti ILOCOS SUR uray nu adda dagiti report nga adda ti 30 a tattao a mamon-monitor idiay Candon City ken 11 idiay Banayoyo ta dagiti pagilian a naggapuan da ket apektado ti COVID- 19.
