Agtaltalinaed a naka-alerto ti Philippine Red Cross bayat nga agtultuloy ti napigsa a panagtudo gapu ti Southwest monsoon a nangitunda ti panaglayus ken localized landslides iti agduduma a probinsia.
Segun iti PRC, nangrugi ti rescue and relief operations da tapno dagus a natulongan dagiti apektado a residente.
Pinasingkedan ni PRC Chairman ken CEO Richard Gordon nga aktibo nga aggargaraw dagiti Red Cross chapters ken emergency rescue uni8ts iti agduduma a lugar, pakairamanan dagiti na-stranded a residente ken dagiti taraken da a dingwen.
Innayon met ni PRC Secretary General Dr. Gwendolyn Pang, agtultuloy met ti panang-monitor da iti lebel ti danum ken pangta ti landslide idiay Oriental Mindoro, Zambales, Romblon, ken Cavite.
Nagpanawagan ti PRC iti publiko nga agtalinaed nga alerto ken makibinnulig kadagiti lokal a chapter para iti dagus a tulong.
