Sumangsango ti pangta iti panaglayos dagiti serye iti panagreggaay iti daga iti 8,436 a barangay iti intero a pagilian gapu iti agtultuloy a habagat a gappuanan iti panagtudona.
Ngimmato dayta manipod iti dati a nasurok 3,600 a barangay.
Segun ti Department of Environment and Natural Resources – Mines and Geo-Sciences Bureau (DENR-MGB), nakabasar dayta iti 72-hour rainfall forecast ti state weather bureau ken ti impeact iti nasao a forecast kadagiti flood prone ken landslide prone areas.
Iti Region 1 ket 2,835; Region 2 a 606; CAR a 624, NCR a 1,252; Region 3 a 1,969; Region 4A iti 765; Region 4B iti 157; Region 5 a 244; Region 6 a maysa ken Region 13 a tallo.
Nabalakadan dagiti umili iti flood ken landslide prone areas nga agbalin nga alerto iti panagpangato wenno panagbaba ti lebel iti layos, bantayan dagiti lugar nga asideg kadagiti karayan, ken dagiti pagnaan iti danum wenno drainage canals.
Napalagipanda pay nga ipakaammo nga insigida iti aniaman a senyales ti panaggaraw iti daga, kellaat a panagpangato iti danum ken napuskol a pitak gapu iti layos.
