--Ads--
Saan a bumaba iti 150 ti natay idinto a nasurok-kumurang iti 300 ti mapukpukaw kalpasan ti panagduprak ti maysa a nakaro a panaglayus idiay amianan a paset ti Nepal ken border ti Tibet.
Nangrugi ti trahedya kalpasan ti magnitude 4.4 a ginggined a nangitunda ti dakkel a landslide.
Karaman dagiti mapukpukaw ti ginsasut a lokal a residente, turista ken sumagmamano a miembro ti security forces.
Nangitunda ti panaglayus ti panagawan ti kuryente kadagiti kaasideg a distrito kalpasan a madadael tiu kangrunaan a kalsada, rangtay ken hydropower plant.
-- ADVERTISEMENT --
Agdama a mangipatpatungpal ti Nepal army kadua dagiti emergency response team ti nalawa a search and rescue operation babaen kadagiti helicopter ken specialized equipment.
