Ur-urayen ti Department of Foreign Affairs ti kumpirmasion manipud iti Nepali authorities mainaig ti maysa a mapukpukaw a Pilipino gapu ti panagreggaay ti glacier iti Himalayas a nangitunda ti nakaru a flash floods idiay Nepal.
Pinasingkedan ni DFA spokesperson Analyn Ratonel a ti Philippine Embassy idiay New Delhi ken Philippine Honorary Consulate General idiay Kathmandu ket nakibinnulig dan kadagiti lokal nga otoridad ken nakasagana a tumulong kadagiti Pilipino nga apektado ti sakuna.
Ti naipadamag a mapukpukaw a Pinoy ket rimmuar iti preliminary record nga inruar ti Nepal Tourism Board, no sadino nakalista ti maysa a Pilipino a karaman kadagiti biyahero nga ‘unaccounted for’ kadagiti apektado a lugar.
Saan pay met a kinumpirmaran ti DFA a ni Juan Carlos Manalo ti mapukpukaw a Pinoy a nakalista iti preliminary record.
