Napili dagiti Cardinal electors ni Cardinal Robert Francis Prevost kas baro a Santo Papa.
Ti agtawen iti innem a pulo ket siam nga Augustinian priest ket isun ti maika-267 a Santo Papa, ngem kaunaan a pontiff manipod Amerika.
Napili ti baro a Santo Papa ti nagan a maiyawag kenkuana ket Pope Leo XIV.
Ni Prevost ket Prefect ti Dicastery for Bishops ken Archbishop-Bishop emeritus iti Chiclayo idiay Peru, a nagbalinanna a missionary.
Nupay naipasngay idiay Chicago ket iggemna pay ti Peruvian citizenship.
Sangagasut tallopulo ket tallo a cardinal nga agtawen iti walopulo agpababa iti nakipaset iti secret conclave idi Mierkules tapno mapili ti mangsukat ken ni Pope Francis a pimmusay idi April 21.
Immuna a naisayangkat ti inconclusive vote idi rabii iti Mierkules ken maikadua nga aldaw idi kalman a gappuananen ti panagruar ti puraw nga asok iti chimney iti Sistine Chapel kalpasan ti uppat a rikos iti panagpipili.
