--Ads--
Madanagan ni Pope Francis iti mapapasamak idiay Middle East isu nga ipanpanawaganna iti napaspas a ceasefire.
Kalpasan ti nasatoan a misa idiay Brussels bayat ti apostolic visit-na idiay Belgium, inyapela ni Pope Francis iti amin a partido a karaman iti agdama a riri idiay middle east a leppasenen iti riribok a mapapasamak idiay Lebanon, Gaza ken nabatbati a paset iti Palestine ken idiay Israel.
Segun iti santo papa, masapul a mawaya-wayaan dagiti hostage ken maipalubos iti humanitarian aid.
Ti panagapelana ket kalpasan iti panagpabanto manen iti Israeli military idiay Lebanon a nakatayan iti sabali manen a top Hezbollah leader kasaruno iti pannakatay ni Hassan Nasrallah.
-- ADVERTISEMENT --
