Imbutaktak ni Pope Francis a na-target iti attempted suicide bombing bayat ti panagbisitana idiay Iraq iti napalabas a tallo a tawen, isu ti maibilang a riskiest foreign trip-na iti uneg iti sangapulo ket maysa a tawen a panagbalinna a santo papa.
Segun ken ni Pope Francis, pinakaammoan isuna dagiti polis apaman a nakasangpet idi idiay Baghdad idi March 2021 a dua a suicide bomber iti nangtarget iti maysa kadagiti naplano nga event-na.
Naipakaammo a maysa a babai a nabalkot iti pampabettak, maysa a young kamikaze iti nagturong iti Mosul a nangpabettak ti bagina bayat ti panagbisita ti Santo Papa.
Ti panagbisita ni Pope Francis idiay Mosul ket key moment bayat ti panagbiahena idiay Iraq, nga isu ti largest city a nakontrol iti Islamic State manipod 2014 agingga 2017.
Maipalagip a binisita ni Pope Francis dagiti uppat a nadadael a simbaan iti nasao a pagilian ken inrusatna iti apela para ti kappia.
